NODEMCU සහ Blynk භාවිතයෙන් අන්තර්ජාලය හරහා LED එකක් ON/OFF කිරීම

කලින් ලිපියේ නම් මම කිව්වේ ප්‍රධාන විදුලිය පාලනය කරන ලිපියේ දෙවැනි කොටස දෙනවා කියල ,එකෙත් වැඩ ටිකක් තවම තියෙන නිසාත් ,        කිහිප දෙනෙකුගේ ඉල්ලීමක් අනුව Blynk App එක ත් එක්ක NODEMCU කනෙක්ට් කරන විදිහ කියල දෙන්න කියල හිතුනා .

මේක කරන්න කලින් මෙන්න මේදේවල් ටික කරගෙන තියෙන්න ඕන .

1. Arduino IDE  එකට ESP8266 , Blync Libraries ටික Add කරගෙන තියෙන්න ඕන .

    ESP8266 Libraries එකතු කරගන්න හැටි මගේ මෙන්න මේ ලිපියේ තියෙනවා
    https://iotsl.blogspot.com/2016/10/arduino-ide-esp-01.html

    Blynk Library එකතු කරගන්න තියෙන්නේ  Sketch -> Include Library -> Manage Libraries ගිහින් 

   Filter Your Search... කියන සර්ච් එකේ Blynk කියල ටයිප් කරන එක එතකොට එක ෆිල්ටර් වෙලා               පෙන්වාවි එතනින් install ක්ලික් කලහම ලේසියෙන්ම ඒටික එකතු කරගන්න පුළුවන් .

2. Blynk App එක ඔයාගේ Android හෝ Apple ෆෝන් එකේ ඉන්ස්ටෝල් කරගෙන තියෙන්න ඕන .

    Android App එක play Store එකෙනුත් , IOS App එක iTunes වලිනුත් ඩවුන්ලෝඩ් කරගෙන                    ඉන්ස්ටෝල් කරගෙන ඉන්න ඕන 

3.වැදගත්ම දේ Internet තියෙන්න ඕන :)

හරි මේ ඔක්කොම හරි නම් දැන් අපිට වැඩේට බහින්න පුළුවන් .පහල තියෙනවා කරන්න ඕන දේ පියවරෙන් පියවර මේ පිළිවෙලට වැඩේ කරගෙන යන්න .

1.හරි පියවර 01 සිට 3 දක්වා පෙන්වල       තියෙන්නේ කොහොමද Blynk app එක  ප්ලේ ස්ටෝර් ඉඳල ඉන්ස්ටෝල් කරගන්නේ කොහොමද කියල 

පියවර 01

පියවර 02

 

පියවර 03   

2.පියවර 04 සිට පියවර 06 දක්වා පෙන්වල තියෙන්නේ අලුතෙන් එකවුන්ට් එකකට රෙජිස්ටර් වෙන හැටි මේක හරිම ලේසියි ඊමේල් එකවුන්ට් එකයි , තමන් කැමති පාස්වර්ඩ් එකකුයි දාල SignUp කියන බටන් එක එබුවහම රෙජිස්ටර් වෙලා  පියවර 07 ස්ක්‍රීන් එක එවි .

 

පියවර 04

පියවර 05

පියවර 06

පියවර 07

3.හරි දැන් තියෙන්නේ අලුතෙන් ප්‍රොජෙක්ට් එකක් හදන්න එකට කරන්නේ තියෙන්නේ ඔය + එක උඩ     ක්ලික් කරන එක 

 

පියවර 08

පියවර 09

පියවර 10

පියවර 11

4. හරි දැන් මීළඟට කරන්න තියෙන්නේ Dash Board එක හදන එක , මම මෙතැනදී කරන්නේ එක බටන්  එකකින් NodeMcu එකේ On board තියෙනේ LED එක ON/OFF කරන එක .එක නිසා මම එක බටන් එකක් මේකට එකතු කරනවා .එකට ඔය රවුම් කරලා තියෙන + මාර්ක් එක උඩ ක්ලික් කරහම පියවර 13 තියෙන ස්ක්‍රීන් එකෙන් Button කියන එක උඩ ක්ලික් කරන්න .

පියවර 11

පියවර 12

හරි දැන් ඔය බටන් එකේ ප්‍රොපටීස් වෙනස් කරන්න පියවර 14 තියෙන විදිහට ,එකට PIN කියන එක උඩ ක්ලික් කරලා Select Pin වලින් Digital , D0 සිලෙක්ට් කරලා Ok කරන්න .පියවර 14 විදිහට .එහම කලයින් පස්සේ තියෙන විදිහ පියවර 15 ස්ක්‍රීන් එකෙන් බලාගන්න පුළුවන් .

පියවර 13

පියවර 14

පියවර 15

හරි දැන් බටන් එකේ වැඩේ හරි .දැන් ඉතුරු වෙලා තියෙන්නේ NodeMcu එකේ වැඩේ .

ඔය උඩ ස්ක්‍රීන් එකේ දකුණු පැත්තේ උඩ කෙලවරේ තියෙන ප්ලේ බටන් එක ප්‍රෙස් කලහම අපිට පහල තියෙන ස්ක්‍රීන් එක පෙන්වාවි .එකෙන් කියනවා තවම අපේ නොඩ් එම්සීයු එක ඉන්ටර්නෙට් කනෙක්ට් වෙලා නැහැ කියල .අපි ඊළඟට බලන්නේ ඒ වැඩේ.

පියවර17

NODE MCU එක ප්‍රෝග්‍රෑම් කරද්දී කරන්න තියෙන්නේ සිම්පල් වැඩක් .ඉස්සරවෙලාම අර පියවර 11 දී app එකෙන් යැව්ව ඊමේල් එක ඕපන් කරලා බැලුවහම අපිට පහල විදිහට පෙනෙයි .

අපිට ඔකේ වැදගත්ම දේ ඔය Auth Token කියල තියෙන හෑල්ල තමයි .අනෙක් ඒවා එච්චර වැදගැම්මකට නැහැ මේ වෙලාවේ .

හරි දැන් මේක කොපි කරගෙන Arduino IDE එක ඕපන් කරලා පහල තියෙන පාත් එකේ තියෙන කෝඩ් එක ඕපන් කරගන්න 

හරි ඊළඟට කරන්න තියෙන දේ පහල ස්ක්‍රීන් එකේ තියෙනවා .

දැන් තියෙන්නේ මේ කෝඩ් එක NodeMcu එකට අප්ලෝඩ් කරන එක .

හරි එහෙම කරලා හදා ගත්ත එක වැඩ කරන විදිහ ඔන්න පහල වීඩියෝ එකේ තියෙනවා .එක ගොඩක්ම කොලිටි නැහැ එත් වැඩ කරන හැටි පේනවා කියල හිතනවා .

ඉතින් කමෙන්ට් කරන්න ෂෙයාර් කරන්න ඔයාලට මේක ප්‍රොයෝජනවත් උනා නම් .ප්‍රශ්න තියෙනවා නම් කමෙන්ට් කරන්න .එහෙනම් තවත් ලිපියකින් හමුවෙමු , ජයවේවා !!!!

ESP8266 සහ Arduino වලින් ප්‍රධාන විදුලිය පාලනය කිරීම - 1 කොටස

සැහෙන කාලෙකින් දෙයක් කරන්නවත් පොස්ට් එකක් ලියන්න වත් හම්බ උනේ නැහැ මේකට .මුලින්ම කියන්න ඕන දේ අපි අද කතා කරන්න යන දේවල් ප්‍රධාන විදුලිය එකියන්නේ නිවසට ලැබෙන 230v එක්ක නිසා ඉතාමත් ප්‍රවේශම් විය යුතුයි .

හරි දැන් බලමු ප්‍රධාන ව්දුලිය පාලනය කරන්න පුළුවන් උපක්‍රම මොනවාද කියල .හැමෝම දන්නවනේ NODEMCU හරි  Arduino එකෙන් හරි අවුට් පුට් එකකින් එලියට එන්නේ උපරිම 5V කියල ඉතින් එකෙන්ම තමයි අපි ප්‍රධාන විදුලිය පාලනය කරන්නේ විශේෂය තමයි අපි මේකෙදි කරන්නේ ප්‍රදාන විදුලියෙන් වෙන්වෙලා ඉඳගෙන එකියන්නේ  Isolated . 

හරි දැන් බලමු මේවට පාවිච්චි කරන මොඩියුල් , උපාංග මොනවාද කියල .

1. Relay Module - රිලේ 

    මේක ගැන ගොඩක් අය දන්නවා එත් මම නොදන්නා අය වෙනුවෙන් මුලික දේවල් පැහැදිලි කරන්නම් .

   සරලව කිව්වොත් මේක ස්විච් එකක් , විදුලි කාන්දම් බලයෙන් එකියන්නේ Electric Magnet ක්‍රියාත්මක         වෙන්නේ.

   

Conceptual Digram

Pin out Diagram

සාමාන්‍යයෙන් රිලේ එක්ක පින් 5 ක් තියෙනවා එකෙන් 3ක් ස්විච් එකට අනෙක් දෙක මැග්නට් එකට .මග්නට එකට කරන්ට් එක දෙන්න කලින් ඔය ස්විච් එකේ පින් තුනෙන් දෙකක් එකකට එකක් සම්බන්ධයි , එදෙක තමයි COM සහ NC එකියන්නේ Normally Connected කියන එක .මැග්නට් එකට කරන්ට් එක දුන්නහම ඒ දෙක අතර සම්බන්ධය බිඳිලා NO එකත් එක්ක එකියන්නේ Normally Open කියන එකත් එක්ක සම්භන්ද වෙනවා .මේක හරියටම කිව්වොත් පරණ රේඩියෝ වල FM /AM මාරු කරද්දී වෙනවා වගේ වැඩක් , පරණ රේඩියෝ පාවිච්චි කරලා නැත්තම් එච්චර හිතන්න එපා :) .

හරි දැන් රිලේ කොයිල් එකට දෙන පවර් එක අනුව සහ අර ස්විචින් කන්ටැක්ස් හරහා යවන්න පුළුවන් ධාරාව අනුව රිලේ එකේ සයිස් එක එහෙමත් පොඩ්ඩක් වෙනස් වෙනවා .සාමාන්‍යයෙන් අපි පාවිච්චි කරන්නේ 5v වලින් ක්‍රියාත්මක වෙන , ඒ හරහා ධාරාව 5A හෝ 10 A යැවිය හැකි වර්ගයේ ඒවා .

සාමාන්‍යයෙන් රිලේ එකක් අපි කෙලින්ම මයික්‍රෝකොන්ට්‍රොලර් එකට සම්භන්ද කරන්නේ නැහැ .අපි පාලනය කරන්නේ Electromagnetic එහෙමත් නැත්තම් විද්‍යුත් චුම්භක උපකරණයක් නිසා .එකෙන් ඇතිවෙන අනෙකුත් විදුලිය උත්පාදනය වීම හේතුවෙන් මයික්‍රෝකන්ට්‍රොලරයට ඇති වෙන හානි වලක්වාඅ ගැනීම සහ නිවැරදි ක්‍රියාකාරීත්වය ලබා ගැනීමට පොඩි ඩ්‍රයිවර් සර්කිට් එකක් එහෙමත් නැත්තම් පාලක පරිපථයක් හරහා තමයි අපි රිලේ එක පාලනය කරන්නේ. මේක අපිටම හදා ගන්නත් පුළුවන් එහමත් නැත්තම් ආධුනිකයෙක්ට වඩාත්ම ගැලපෙන්නේ Relay Module එකක් මිලදී ගන්න එක . පහල තියෙන්නේ ඒවගේ එකක් .මේකේ රිලේ 1 , 2, 4, 8, 16 තියෙන මොඩියුල් වෙළඳ පොලෙන් මිලදීගන්න පුළුවන් .

2. SSR - Solid State Relay (සොලිඩ් ස්ටේට් රිලේ )

  මේකත් රිලේ එකක්ම තමයි එහෙත් මේවගේ කල්පැවැත්ම වැඩියි ඒවගේම මිලෙන් වැඩියි .

  

SSR Front View

විශේෂත්වය තියෙන්නේ මේකේ කිසිම චලනය වන කොටස් නැති එක ,Relay එකක ස්විචින් කොටසේ තියෙන්නේ තඹ පතුරු යම් කාලයක් යනකොට ඒවා අතර සම්බන්දය අතර ප්‍රශ්න ඇතිවෙන්න පුළුවන් .එත් මේකෙදි එහෙම දෙයක් වෙන්නේ නැහැ .

SSR

SSR Module

මේකෙදි නම් තියෙන්නේ පින් එහෙමත් නැත්තම් කනෙක්ෂන් 4  මේකෙදි අපිට අර වගේ ඩ්‍රයිවරයක් අවශ්‍ය වන්නේ නැහැ .මොකද මේකේ වැඩ කරන්නේ මැග්නට් එකකින් නොවන නිසා .

3. Triac (Opto Isolated /Logic Level) 

   

   ඇත්තටම මේක ඉලෙක්ට්‍රොනික උපාංගයක් අපිට මේකෙන් ප්‍රධාන විදුලිය ස්විච් කරනවා ට අමතරව ලයිට් එකක් ඩිම් (Dim) කරන්න , FAN එකක ස්පීඩ් එක පාලනය කරන්නත්  පාවිච්චි කරන්න පුළුවන් .ඉලෙක්ට්‍රොනික් දැනුම තියෙන කෙනෙක්ට මේක තමන් විසින්ම හදාගන්න පුළුවන් , එහෙමත් නැත්තම් ආධුනිකයෙක් නම් වඩාත් සුදුසුවෙන්නේ මොඩියුල් එකක්  මිලදී ගන්න එක .

Equalent Circuit

Triac Module

හරි මේවත් එක්ක කොහොමද වැඩ කරන්නේ කියල මම ඊළඟ ලිපියේ දාන්නම් .ගොඩක් අය රිලේ එකත් එක්ක වැඩ කරන්න දන්නවා මම හිතන්නේ .මම බලාපොරොත්තු වෙන්නේ අන්තිමට අපි කතා කරපු Triac මොඩියුල් එකෙන් කොහොමද වැඩ කරන්නේ කියල කියල දෙන්න .ප්‍රශ්න තියෙනවා නම් කමෙන්ට් කරන්න .ඊළඟ ලිපියෙන් හමු වෙමු .

ජය වේවා !!!